Manshaa'allaah Gabay Qiimo badan Hurda seexo hadal aan wax tarin gelinba Ruux hayso

○Hurda seexo hadal aan wax tarin gelinba Ruux hayso

○iyo Hor umar iyo Dawladnimo laysku Heliwaaye

○Habda Ruux ku bood Iyo Dagaal Had iyo jeer taagan

○iyo gacalka Oo Loo Hanjabo Qorina loo Haysto

○iyo inaad adigu nabad Heshana laysku Heliwaaye

○Habsaan iyo Adoo Raba inaad waali ku haraadid

○iyo Hor u kac in Aad tiigsatana laysku Heliwaaye

○ Hashiisii nimaan soofsan Ee meelsan ku Hagaajin

○Aan Hilimo geeda leh ku furin kana Horayin Aarka

○Iyo caano Aad ka Harqtaa laysku Heliwaaye

○Adigoo colkii kugu Habsaday haysto dhabarkaaga

○Aad tiri Halyeey baa tahaye Halakan soo seexo

○iyo inuu Hadhow kaa tagana laysku Heliwaaye

○Habaar kii shaqastiyo ninkii Hooyo caasiyaba

○Iyo inuu Hanado baariya dhalaa Lays ku Haleeyo

○Aw Hayn ka sugo saadambadaan Laysku Heliwaaye

○Adigoo Haraad yaabano Hawdka ku asqoobay

○Heegada Ka soo curatay bari Roobkuna Haleelay

○Reerkaad Hormuudka U tahee Hawsha Nabdoonka.

○Hadii Aad Abaar u Horkacdee ku Heligtee Geyso

○iyo caano iyo Hilib macaan laysku Heliwaaye

○Hurdo ninman ka kicin Ee shaqana ku Hamin

○Aan Raadin iyo Hooy Qurxoono la Dego laysku Heliwaaye

○Habka Dowladnimo iyo wanaag Heerarka Aduunka

○ iyo fowdo lagu Haysto meel laysku Heliwaaye

Curiye:Mahmoud Mohamed Atto

W/Q:Mahmoud Ali Said Jirde

Abwaan.Mahmoud Mohamed Atto